සිරි පියරතන විද්‍යාලයේදී පැවැති සමස්ත ලංකා සංගීත තරගයෙන් වග ශ්‍රී රතනසාර විද්‍යාලයට විශිෂ්ට ජයක්!
පාදුක්ක සිරි පියරතන විද්‍යාලීය ශ්‍රවණාගාරයේදී පසුගිය 2026 ජූලි 12 වන දින උත්කර්ෂවත් අයුරින් පැවැති සමස්ත ලංකා සංගීත තරගයේ (කලාප) සංගීත අංශයෙන් අමරණීය ජයග්‍රහණ රැසක් අත්කර ගැනීමට වග ශ්‍රී රතනසාර මහා විද්‍යාලය සමත්ව ඇත.
මෙම කලාපීය තරගාවලිය සඳහා ශ්‍රී රතනසාර විද්‍යාලය නියෝජනය කරමින් දරුවන් ඉතා උද්යෝගයෙන් යුතුව සහභාගී වූ අතර, ඔවුන්ගේ දැඩි කැපවීම හා වෙහෙස මහන්සි වී ලැබූ පුහුණුවේ ප්‍රතිඵල ලෙස පාසලට කීර්තියක් ගෙන දෙමින් ඉහළම දස්කම් දැක්වීමට සමත් විය.
ලබාගත් විශිෂ්ට ජයග්‍රහණ:
- ඒකල ගායනා අංශය: පළමු ස්ථානය – වර්ෂා හේෂානි
- සමූහ ගායනා අංශය: දෙවන ස්ථානය – ශ්‍රී රතනසාර විද්‍යාලීය සමූහ ගායනා කණ්ඩායම
මෙම අපූරු ජයග්‍රහණය පිටුපස සිටිමින්, දූදරුවන්ගේ සංගීත කුසලතා මනාව ඔප්නංවමින් ඔවුන්ව මෙහෙයවනු ලැබුවේ විද්‍යාලයේ සංගීත ගුරු නදුන් හෙට්ටිආරච්චි මහතා විසිනි. එතුමාගේ අප්‍රතිහත ධෛර්යය සහ මගපෙන්වීම මෙම ජයග්‍රහණයේ ප්‍රධානම බලවේගය විය.
පාසලේ නාමයට සුවිශේෂී කීර්තියක් ගෙන දුන් සංගීත ගුරුතුමාටත්, දක්ෂතා දැක්වූ වර්ෂා හේෂානි දියණියට සහ සමූහ ගායනයට දායක වූ සියලුම දූදරුවන්ට අපගේ උණුසුම් සුබපැතුම්! ඉදිරි ජාතික මට්ටමේ තරගවලදීත් මීටත් වඩා ඉහළ ජයග්‍රහණ අත්කර ගැනීමට ඔබට ශක්තිය හා ධෛර්යය ලැබේවායි අපි ප්‍රාර්ථනා කරමු!
Leave a Reply